ბრიტანელი ტყუპი დაბადების შემდეგ ცალ-ცალკე ოთახებში მოათავსეს, მაგრამ ორი კვირის შემდეგ ერთმანეთი მაინც იცნეს, – ამის შესახებ BBC წერს.
ახალშობილებიდან ერთი 652 გრამი დაიბადა, მეორე კი 1.5 კილოგრამი. შესაბამისად, ისინი დაბადებისთანავე გადაიყვანეს ინტენსიური ზრუნვის განყოფილებაში. ტყუპი სხვადასხვა სივრცეში მკურნალობდა.
მდგომარეობის გაუმჯობესების შემდეგ, ჩვილები ერთმანეთის გვერდით დააწვინეს.
როგორც ბავშვის დედა იხსენებს, სიხარულისგან ტიროდა, როცა დაინახა, როგორ შეხვდა და-ძმა ერთმანეთს.
„ისინი ერთმანეთს ხელებსა და ფეხებს სჭიდებდნენ. ძალიან საყვარლები იყვნენ“ – ამბობს ტყუპის დედა.
ექიმების განცხადებით, და-ძმა საავადმყოფოს მაისში დატოვებს.
კომენტარები