კანადამ 9 რუს მაღალჩინოსანს ნავალნის მოწამვლისა და დაპატიმრებისთვის სანქციები დაუწესა. მიზეზად დასახელდა ადამიანის უფლებების უხეში და სისტემატური დარღვევა.
კანადის მიერ სანქცირებულთა სიაში მოხვდნენ: ალექსანდრ ბორტნიკოვი – რუსეთის ფედერალური უშიშროების სამსახურის დირექტორი, ალექსანდრ კალაშნიკოვი – სასჯელაღსრულების ფედერალური სამსახურის ხელმძღვანელი, სერგეი კირიენკო – პრეზიდენტის ადმინისტრაციის თავმჯდომარის პირველი მოადგილე, პაველ პოპოვი – თავდაცვის მინისტრის მოადგილე, ანდრეი იარინი – საშინაო პოლიტიკის საკითხებში პრეზიდენტის ადმინისტრაციის თავმჯდომარე.
კანადის საგარეო საქმეთა სამინისტროს თანახმად, მიღებული ზომები შეესაბამება შეერთებული შტატებისა და ევროკავშირის მიერ მიღებულ სანქციებს. კრემლი საპასუხო ზომების მიღებას გეგმავს.
კომენტარები