ზუგდიდის რაიონულმა სასამართლომ “ერთიანი ნაციონალური მოძრაობის” სარჩელი განმუხურის 38-ე უბანში ხმების ხელახალი გადათვლის შესახებ არ დააკმაყოფილა.
აღნიშნული გადაწყვეტილება მოსამართლე მანუჩარ ცაცუამ მიიღო.
“ერთიანი ნაციონალური მოძრაობა” საოლქო კომისიის გადაწყვეტილების გაუქმებას და ხმების თავიდან დათვლას ითხოვდა.
ზუგდიდის რაიონულმა სასამართლომ მოუსმინა სხვადასხვა პირებს, მათ შორის განმუხურის საარჩევნო კომისიის თავმჯდომარეს, რომლის მტკიცებითაც, უბანზე უმართავი სიტუაცია იყო და სწორედ ამიტომ დატოვა საარჩევნო უბანი.
კომენტარები