თუ დოკუმენტში (შარლ მიშელის შეთანხმება) გარკვეული ჩანაწერების ინტერპრეტირებას არასწორად მოვახდენთ, „ქართული ოცნება“ ამას ელოდება, რომ დოკუმენტის ათჯერ მეტი ინტერპრეტაცია გააკეთოს, – ამის შესახებ გიორგი ვაშაძემ ცესკოს შემადგენლობის ცვლილებებზე საუბრისას განაცხადა.
„სტრატეგია აღმაშენებლის“ ლიდერი ხაზს უსვამს იმას, რომ შარლ მიშელის შეთანხმება ზუსტად უნდა შესრულდეს.
„არაფერი წერია ამ დოკუმენტში არსებული ადმინისტრაციის ცვლილებაზე. მაგრამ ოპოზიციას გარანტიები სად აქვს? რვა ოპოზიციური წევრი შედის, 2/3-ით მისაღები გადაწყვეტილებები, იმ პროფესიულ კომპლექტაციაში მონაწილეობის მიღება, რომელიც უნდა დაემატოს ამ კომისიას – ამით გადავაზღვიეთ ის მექანიზმი, რომ არსებული ადამიანები რჩებიან. უნდა ვიყოთ მართლები“, – განაცხადა ვაშაძემ.
პარლამენტში საარჩევნო რეფორმაზე მომუშავე ჯგუფის მორიგი შეხვედრა მიმდინარეობს.