სახელმწიფო უწყებების მუშაობა იგება მათ შორის ინფორმაციის მიმოცვლის მოძრაობაზე, როდესაც იქმნება მთავრობის სტრუქტურა, აქ უნდა იყოს გათვალისწინებული ინფორმაციული, იურიდიული, ფუნქციონალური უზრუნველყოფის, ტექნიკური უზრუნველყოფის საკითხები და ამის ბაზაზე იქნება ორგანიზაციული უზრუნველყოფა,-ამის შესახებ „პატრიოტთა ალიანსის“ ლიდერმა დავიტ თარხან-მოურავმა მთავრობის ოპტიმიზაციის საკითხის კომენტირებისას განაცხადა.
სასჯელაღსრულების სამინისტროს შესაძლო გაუქმების საკითხზე საუბრისას კი, დავით თარხან მოურავი ამბობს, რომ სასჯელაღსრულების სამინისტრო უნდა იყოს დამოუკიდებელი სტრუქტურა.
„სწორი იქნება ასე და არასწორია, თუ სასჯელაღსრულების სამინისტრო ხან იუსტიციის სამინისტროში იქნება, ხან სად და ხან სად. ისევე როგორც პასპორტების და პირადობის მოწმობების აღებას არანაირი კავშირი არ აქვს იუსტიციის სამინისტროსთან. სააკაშვილის დროს რაც იყო მოწყობა, უფრო უარიესი იყო, ვიდრე შევარდნაძის დროს. დღეს არამარტო ოპტიმალური, არამედ არ არის მეცნიერულ საფუძველზე დაფუძნებული და ეს მთლიანად უნდა შეიცვალოს. ამის გამკეთებელი არ არიან ხელისუფლებაში“,-აღნიშნა თარხან-მოურავმა.