ნატო-ს მინისტერიალის დღევანდელი გადაწყვეტილება ნატო-საქართველოს ურთიერთობის გაღრმავების კიდევ ერთი კარგი შესაძლებლობაა, – ამის შესახებ უშიშროების საბჭოს ახალმა მდივანმა, დავით რაქვიაშვილმა განაცხადა.
მისივე თქმით, ეს გადაწყვეტილება პირდაპირ საქართველოს და მთლიანად შავი ზღვის რეგიონის უსაფრთხოებას უკავშირდება.
”ნატო-ს მინისტერიალის დღევანდელი გადაწყვეტილება კიდევ ერთი კარგი შესაძლებლობაა ნატო-საქართველოს ურთიერთობის გაღრმავების, ის პირდაპირ უკავშირდება საქართველოს და მთლიანად შავი ზღვის რეგიონის უსაფრთხოებას. მისასალმებელია, რომ ვარშავის სამიტზე მიღებული სტრატეგიული გადაწყვეტილება უკვე ითარგმნება პრაქტიკულ ნაბიჯებში. შავი ზღვის რეგიონის უსაფრთხოება პირველ რიგში, რა თქმა უნდა, საქართველოს კონტექსტში, საქართველოს პრეზიდენტის ორმხირვი და მრავალმხრივი ურთიერთობების დღის წესრიგის ერთ-ერთი მთავარი თემაა. უშიშროების საბჭო და მისი შემადგენელი ყველა უწყება ყველა ნაბიჯს გადადგამს, რომ ეს განხორციელდეს”, – განაცხადა რაქვიაშვილმა.