იუსტიციის უმაღლესი საბჭო უვადოდ დანიშნულ მოსამართლეებთან დაკავშირებით ინფორმაციას ავრცელებს

12 მოსამართლის უვადოდ დანიშვნასთან დაკავშირებით იუსტიციის უმაღლესი საბჭო ინფორმაციას ავრცელებს.
“საქართველოს კონსტიტუციის 86-ე მუხლის მიხედვით დღეს საქართველოში პირველად განხორციელდა მოსამართლეთა უვადო გამწესება.
საქართველოს იუსტიციის უმაღლესმა საბჭომ სამწლიანი გამოსაცდელი ვადით დანიშნული 12 მოსამართლე ღია კენჭისყრის წესით უვადოდ (საპენსიო ასაკის მიღწევამდე) დანიშნა.
ღია კენჭისყრის პროცესს ესწრებოდნენ მედიის, საერთაშორისო და არასამთავრობო ორგანიზაციების წარმომადგენლები.
კენჭისყრის შედეგად დაინიშნენ:
** ლევან მიქაბერიძე – თბილისის საქალაქო სასამართლოს სამოქალაქო საქმეთა კოლეგია.
** გიორგი მიროტაძე – თბილისის სააპელაციო სასამართლოს საგამოძიებო კოლეგია.
** ნატალია ნაზღაიძე – თბილისის სააპელაციო სასამართლოს სამოქალაქო საქმეთა პალატა.
** მურთაზ მეშველიანი – ქუთაისის სააპელაციო სასამართლოს სამოქალაქო საქმეთა პალატა.
**ხათუნა ხომერიკი – ქუთაისის სააპელაციო სასამართლოს ადმინისტრაციულ საქმეთა პალატა.
** ნანა ჭიჭილეიშვილი – თბილისის საქალაქო სასამართლოს ადმინისტრაციულ საქმეთა კოლეგია.
** ციცინო კიკვაძე – ქუთაისის საქალაქო სასამართლოს მაგისტრატი მოსამართლე ტყიბულის მუნიციპალიტეტში.
** გოჩა ფუტკარაძე – ბათუმის საქალაქო სასამართლოს სამოქალაქო საქმეთა კოლეგია.
** ნინო შარაძე – გორის რაიონული სასამართლოს სამოქალაქო საქმეთა კოლეგია.
** გერმანე დადეშქელიანი – გორის რაიონული სასამართლოს სისხლის სამართლის საქმეთა კოლეგია.
** მერაბ ღვინიაშვილი – სიღნაღის რაიონული სასამართლოს მაგისტრატი მოსამართლე დედოფლისწყაროს მუნიციპალიტეტში.
** ნანა ჯანხოთელი – ცაგერის რაიონული სასამართლოს მაგისტრატი მოსამართლე ლენტეხის მუნიციპალიტეტში”, – ნათქვამია ინფორმაციაში.