ჩვენ ამ ეტაპზე არ ვაპირებთ მერობის კანდიდატების დაყენებას, რადგან არც გვყავს შესაფერისი კადრები, მთავარი ამოცანა ახლა არის პროპორციული სიების დაკომპლექტება, – ამის შესახებ „გირჩის“ წევრმა, ვახტანგ მეგრელიშვილმა განაცხადა.
როგორც ვახტანგ მეგრელიშვილმა აღნიშნა, ამ ეტაპზე მთავარი ამოცანაა, პროპორციული არჩევნების ნაწილი იყოს წესრიგში.
„ჩვენ არ ვაპირებთ მერობის კანდიდატების დაყენებას ამ ეტაპზე, რადგან არც გვყავს შესაფერისი კადრები, მაგრამ მთავარი ამოცანა ახლა არის პროპორციული სიების დაკომპლექტება. კანდიდატების შერჩევა დაწყებული გვაქვს, ეს ხდება საჯაროდ ზუმის მეშვეობით, რომელიც ლაივსტრიმით გადაიცემა ჩვენს ფეისბუქფეიჯზე. ჩვენ შევარჩიეთ კანდიდატი წალკასა და თბილისში. თბილისში გვქონდა წარდგენა, ახლა პრაიმერისი გვექნება თბილისში, რომ ადგილების თანმიმდევრობა განვსაზღვროთ. დაგვაკვირდით და თქვენ ნახავთ თითოეული კანდიდატის შერჩევას მთელს საქართველოში“, – განაცხადა მეგრელიშვილმა.