პარლამენტის მოქმედმა თავმჯდომარემ, დავით უსუფაშვილმა პარლამენტის შენობაში გამართულ პრესკონფერენციაზე მისი “რესპუბლიკური პარტიიდან” წასვლის შესახებ გავრცელებული ინფორმაცია დაადასტურა:
” ვადასტურებ რომ ადამიანურად მტკინვეული და პოლიტიკურად აუცილებელი გადაწყვეტილება მივღე პარტიის დატოვების შესახებ. ვაგრძელებ პოლიტიკაში საქმიანობას. ჩემი გადაწყვეტილება განაპირობა იმ ფაქტმა, რომ პარტიის მომავალი საქმიანობის შესახებ პარტიის სხვა წევრებს, ლიდერებს, ისეთი ტაქტიკური ხედვები აღმოაჩნდათ, რაც ჩემთვის მიუღებელია, მაგრამ მათ რეალიზებას ვერ შევეწინააღმდეგები. ეს ხედვები მიუღებელია რადგან პარტიის გავლენა საზოგადოებაზე შემცირდება, მაგრამ არ შევეწინააღდეგები იმიტომ, რომ მათ ღვაწლს ვაღიარებ . ვაგრძელებ ინდივიდუალურ რეჟიმში აქტიურ პოლიტიკურ საქმიანობას. ყველასთან მექნება დიალოგი, ვინც არ დაღლილა დამოუკიდებელი, თავისუფალი საქართველოს მშენებლობით. ფაქტია, რომ ჩვენ ქვეყანაში ევროპულ სახელმწიფოებრიობას ვერ მოიტანენ ვერც სახელმწიფოსთან შეზრდილი კონგლომერატები თუ გაერთიანებული პოლიტიკური ჯგუფები. 2020 წლის საპარლამენტო არჩევნებში სრულიად ახალი ტიპის ძალამ უნდა გაიმარჯვოს, რომელსაც მრავალპარტიული, დემოკრატიული სახელმწიფოსთვის აუცილებელი ღირებულებები ექნება.
ორი კვირა ამ შენობაში მიხილავთ. შემდეგ ვერანაირ სამთავრობო თანამდებობაზე ვერ მიხილავთ. ვაგრძელებ საქმიანობას ოპოზიციურ პოლიტიკურ ველზე. მსჯელობა ბევრ ადამიანთან მექნება და მერე მოგახსენებთ, თუ რა იქნება დაგეგმილი.
“რესპუბლიკური პარტიის” წევრები თავიანთი გადაწყვეტილებების შესახებ თავად აცნობებენ საზოგადოებას. წინასწარი კონსულტაცია არ გვქონია. “-განაცხადა უსუფაშვილმა.