შინაგან საქმეთა სამინისტრომ სოციალურ ქსელში გავრცელებულ ვიდეოსთან დაკავშირებით, რომელიც მოხუც ქალზე ძალადობას ეხება, გამოძიება დაიწყო.
გამოძიება „სისხლის სამართლის კოდექსის“ 126-ე მუხლით მიმდინარეობს, რაც ოჯახში ძალადობას გულისხმობს.
სოციალურ ქსელში ვიდეო რამდენიმე დღის წინ გავრცელდა. მასში ასახულია, თუ როგორც აწვალებს ორი ახალგაზრდა მოხუც ქალს. როგორც ირკვევა, ვიდეო იმერეთის ერთ-ერთ სოფელშია გადაღებული და youtube-ზე მარტშია ატვირთული. ვიდეოს მობილურით გოგონა იღებს, რომელიც მოხუცის შვილიშვილია. მეორე კი, ახალგაზრდა ბიჭი პნევმატური იარაღიდან ესვრის მოხუცს და აწვალებს. კადრში ჩანს, როგორ ხალისობენ და იცინიან ახალგაზრდები მოხუცი ქალის რეაქციებზე, რომელიც სთხოვს შვილიშვილებს ძალადობა შეწყვიტონ.
კომენტარები