საგარეჯოს რაიონის სოფელ მანავში ავტოავარია მოხდა, რომლის შედეგად 5 მოქალაქე დაშავდა, მათ შორის სამი არასრულწლოვანია. ბავშვები წირვიდან სახლში ბრუნდებოდნენ.
დაშავებულები კლინიკაში გადაიყვანეს. გავრცელებული ინფორმაციით, ერთ-ერთის ჯანმრთელობის მდგომარეობა მძიმეა.
“კაკაბეთიდან ბრუნდებოდნენ წირვიდან მამაოსთან ერთად, არ ვიცით, რა მოხდა. ძალიან აღელვებულები ვართ. ჩემი შვილის მდგომარეობა სტაბილურია, არ ვიცი, როგორ არიან სხვა ბავშვები. არიან მცირეწლოვნებიც“, – განაცხადა ერთ-ერთი დაშავებული ბავშვის დედამ.
საქმეზე გამოძიება „სისხლის სამართლის კოდექსის“ 276-ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
კომენტარები