“ქალებს, რომლებიც ორსულობას გეგმავენ, შეუძლიათ უშიშრად აიცრან”

ქალები რომლებიც ორსულობას გეგმავენ შეუძლიათ უშიშრად აიცრან,- ამის შესახებ გაგუას კლინიკის დირექტორმა, დავით გაგუამ „ქრონიკასთან“ ისაუბრა.

მისი თქმით ორსულთათვის ვქცინაცია მნიშვნელოვანია და აუცილებელია, რომ ყველა ორსული აიცრას.

„ვაქცინაცია ნებისმიერ ტრიმესტრში რეკომენდებულია, ორსულობა არ არის უკუჩვენება. ჩვენს ქვეყანაში რეკომენდებულია Pfizer-ით ვაქცინაცია. ორსულებში აცრის შემდგომი გვერდითი მოვლენები უმნიშვნელოა და არ განსხვავდება ზოგადი პოპულაციისგან. მნიშვნელოვანია ისიც, რომ ვაქცინაცია ლაქტაციის პერიოდშიც შეიძლება მოხდეს და არ საჭიროებს ძუძუთი კვების შეწყვეტას. ქალებს, რომლებიც ორსულობას გეგმავენ, შეუძლიათ უშიშრად აიცრან“, – განაცხადა დავით გაგუამ.