პედიატრ ინგა მამუჩიშვილს კორონავირუსით დედა გარდაეცვალა. სამწუხარო ამბავზე ექიმი სოციალურ ქსელში თავად წერს.
„დედა… კოვიდმა გამომტაცა ხელიდან უსაყვარლესი არსება, რომელსაც სიკეთის მეტი არაფერი უკეთებია ამ ქვეყნად, სითბოთი და სიყვარულით გაჯერებული, ყველაფერი რომ იცოდა, ყველაფერს მას ვეკითხებოდით სასკოლო პროგრამის ლექსებით და ამოცანებით დაწყებული პოლიტიკური სიახლეებით დამთავრებული! აუგი არ დასცდებოდა არავისზე!
როგორ გავაგრძელებ ცხოვრებას, ამ წუთში ჯერ ვერც კი ვფიქრობ, უბრალოდ, ამ ჟამიანობის პერიოდში მინდა განსაკუთრებულად გაგიფრთხილდეთ, უპასუხისმგებლო უნდა იყო და უკულტურო, რომ რაიმე გეწყინოს დღეს.
დედა პოსტკოვიდური მდგომარეობით გარდაიცვალა. გთხოვთ, არ შეწუხდეთ მოსვლით, დარწმუნებული ვარ, ყველას გტკივათ ჩემი ტკივილი, გაუფრთხილდით ჯანმრთელობას, ლოცვებში მოიხსენიეთ დედა. მიყვარხართ ყველა და ურყევ ჯანმრთელობას გისურვებთ“, – წერს ინგა მამუჩიშვილი.