ყვარელში, საქართველოს ბანკზე თავდამსხმელის შესახებ ახალი დეტალები გახდა ცნობილი.
დაკავებული შალვა მელიქიშვილი წლების განმავლობაში თელავში , სასტუმრო „old teavi“- ის მზარეული იყო.
სასტუმროს წარმომადგენლის, შოთა დემინაშვილის განმარტებით, მელიქიშვილს ავტოსაგზაო შემთხვევის შემდეგ თავის არეში ოპერაცია ჩაუტარდა და სავარაუდოდ, გარკვეული ფსიქოლოგიური პრობლემები სწორედ ამის შემდეგ შეექმნა.
„ჩემთან მუშაობდა. სამუშაოდ ავიყვანე, რადგან კარგი მზარეული იყო და სამსახურთან ახლოს ცხოვრობდა. ორი წლის წინ გავუშვი სამსახურიდან. ალკოჰოლთან დაკავშირებული პრობლემები ჰქონდა. არ არის გამორიცხული ბანკში შეჭრამდე სწორედ ამ მდგომარეობაში ყოფილიყო“, – განაცხადა შოთა დემინაშვილმა.
კომენტარები