ნანგრევებიდან ამოყვანილი ახალგაზრდა ქალი გარდაიცვალა

ბა­თუმ­ში სა­ცხოვ­რე­ბე­ლი კორ­პუ­სის ნან­გრე­ვე­ბი­დან ამოყ­ვა­ნი­ლი ახალ­გაზ­რდა ქალი ინგა მე­კე­ი­ძე გარ­და­იც­ვა­ლა.

ახალ­გაზ­რდა ქა­ლის ჯან­მრთე­ლო­ბის მდგო­მა­რე­ო­ბა კლი­ნი­კა­ში შეყ­ვა­ნის­თა­ნა­ვე კრი­ტი­კუ­ლად მძი­მე იყო. ექი­მე­ბი აცხა­დებ­დნენ, რომ ღა­მის გან­მავ­ლო­ბა­ში გული 4 ჯერ გა­უ­ჩერ­და.
ცნო­ბის­თვის, ბა­თუმ­ში მომ­ხდა­რი ტრა­გე­დი­ის შე­დე­გად სულ 6 ადა­მი­ა­ნია გარ­დაც­ვლი­ლი, მათ შო­რის არის ორი ბავ­შვი. ერთი მა­მა­კა­ცის მდგო­მა­რე­ო­ბა, რო­მე­ლიც ნან­გრე­ვე­ბი­დან ცო­ცხა­ლი ამო­იყ­ვა­ნეს, მძი­მეა.
სა­ცხოვ­რე­ბე­ლი კორ­პუ­სის ნგრე­ვის ად­გილ­ზე სა­ძი­ე­ბო-სა­მაშ­ვე­ლო ღო­ნის­ძი­ე­ბე­ბი უწყვეტ რე­ჟიმ­ში გრძელ­დე­ბა. ამ დრო­ის­თვის უც­ნო­ბია კი­დევ რამ­დე­ნი ადა­მი­ა­ნი იმ­ყო­ფე­ბა ნან­გრე­ვე­ბის ქვეშ.

სა­ცხოვ­რე­ბე­ლი კორ­პუ­სის ნგრე­ვის ფაქ­ტზე შსს-მ 3 პირი, მათ შო­რის პირ­ველ სარ­თულ­ზე მდე­ბა­რე ბი­ნის მე­სა­კუთ­რეა და­ა­კა­ვა.

გა­მო­ძი­ე­ბით დად­გინ­და, რომ ბა­თუმ­ში, 26 მა­ი­სის ქუ­ჩა­ზე მდე­ბა­რე სა­ცხოვ­რე­ბე­ლი კორ­პუ­სის პირ­ვე­ლი სარ­თულ­ზე ერთ-ერთი ბი­ნის მფლო­ბელ­მა ბი­ნა­ში სა­რე­მონ­ტო სა­მუ­შა­ო­ე­ბის­თვის ორი პირი და­ი­ქი­რა­ვა. ბი­ნის მე­სა­კუთ­რის მი­თი­თე­ბით და უსაფრ­თხო­ე­ბის წე­სე­ბის უხე­ში დარ­ღვე­ვით სა­ცხოვ­რე­ბელ ბი­ნა­ში სამ­შე­ნებ­ლო-სა­რე­მონ­ტო სა­მუ­შა­ო­ე­ბი გან­ხორ­ცი­ელ­და, რა­მაც მიმ­დი­ნა­რე წლის 8 ოქ­ტომ­ბერს სა­ცხოვ­რე­ბე­ლი კორ­პუ­სის ერთი სა­დარ­ბა­ზოს ჩა­მონ­გრე­ვა გა­მო­იწ­ვია.

შე­გახ­სე­ნებთ, რომ ბა­თუმ­ში, 26 მა­ი­სის ქუ­ჩა­ზე, 7-სარ­თუ­ლი­ა­ნი შე­ნო­ბის ერთი სა­დარ­ბა­ზო გუ­შინ ჩა­მო­ინ­გრა.