საქართველოს 21 წლამდე ფეხბურთელთა ნაკრებმა ამხანაგურ მატჩში ინგლისელი თანატოლები 3:2 დაამარცხა.
ბათუმის სტადიონზე გამართულ შეხვედრაში ანგარიში 24-ე წუთზე გიორგი გულიაშვილმა გახსნა, 47-ე წუთზე მანვე დუბლი შეასრულა, 65-ე წუთზე კი გიორგი გოჩოლეიშვილმა საქართველოს ახალგაზრდული ნაკრების უპირატესობა სამამდე გაზარდა.
მე-80 წუთზე სტუმრებმა კლინტონ მოლას ძალისხმევით ერთი გოლი გაქვითეს, მატჩის დამატებით დროში კი მარკ გუეჰიმ მატჩის საბოლოო ანგარიში დააფიქსირა.
კომენტარები