მამა შალვა კეკელიამ “ჯორჯიან თაიმსის” გადაცემაში “დროული კითხვები” მის მიმართ გამოთქმულ იმ ბრალდებებს უპასუხა, რომლის მიხედვით, ის ძვირადღირებულ და ბრენდირებულ სამოსელს ატარებს.
“ამბობენ, ნაირ-ნაირი შესამოსელი აცვიაო. არადა, თვითონ ეს წირვის შესამოსელი არის ფერადი. 13 წელია მღვდელი ვარ და მღვდელმსახურებას ვახორციელებ, სულ სამად სამი შესამოსელი მაქვს, რომელიც შეკერილია სამების სამკერვალოში.
მე ჯინსებით, მაისურით წირვაზე ვერ დავდგები, უბრალოდ მოქარგული ნაჭერია, ასეთივე შესამოსელი აცვია ყველა მღვდელს (საუბარი მაქვს წირვის შესამოსელზე) წირვის შესამოსელი არის ყველა ფერადი, მოქარგული და ა.შ…
პირველად ვამბობ პირდაპირ ეთერში, ამ ეტაპისთვის სულ მაქვს სამი შესამოსელი. ჩემი მრევლი მჩუქნის და ძალიან ბევრი გამიჩუქებია, განსაკუთრებით სოფლის ტაძრებში ვაგზავნი ხოლმე, რადგან დიდი მრევლი მყავს, მიგზავნიან შესამოსელს, საბერძნეთიდანაც გამოუგზავნიათ, გამიჩუქებია, რადგან მე სამის მეტი არ მჭირდება, რომელსაც ხშირად ვატარებ. პატრიარქის ნაჩუქარი თეთრი ანაფორა მაქვს და მარხვაში ის მეცვა.
არ მინდოდა ამის თქმა, მაგრამ მომიწევს ახლა ამაზე ლაპარაკი. ვინმე იცის, ჩემი ცხოვრება, როგორ ვიცხოვრე? – ვინმემ იცის, როგორ გავიარე სამღვდელო ცხოვრება? ბოლო ორი წელია ჩემმა მეგობარმა დავითმა მაჩუქა ბინა და მხოლოდ ორი წელია, რაც ჩემს ბინაში გადავედი საცხოვრებლად. ალბათ დავითს რომ არ ეჩუქებინა, ბინა დღესაც არ მექნებოდა. და ჩემი მეგობრის, ლევან მერაბიშვილის სახლში 7 წელი ვიცხოვრე, ერთ ოთახიანი ბინაში და ჩემს საძინებელს (ცუდია ახლა ამაზე ლაპარაკი რომ მიწევს) ფანჯარა არ ჰქონდა, უფანჯრო ბინაში მეძინა, მეოთხე შვილს ველოდებით. იქ სტუმარი არ ყოფილა, რადგან ძალიან ვიწრო სივრცე იყო. კიდევ ერთხელ თქვენი ეთერის მეშვეობით მინდა მადლობა გადავუხადო ლევან მერაბიშვილს, რომ მან ეს ბინა მათხოვა და ქირა გადასახდელი არ მქონდა. ასე რომ გვიტევენ უკვე იძულებული ვხვდები მსგავსი რაღაცები ვილაპარაკო.
ძალიან ცუდ რამეს ვამბობ, მაგრამ უნდა ვთქვა, ამ დროს პირადად ერთი რვა ოჯახის ბინის ქირას ვიხდი, რადგან ვერ მივეცი ჩემს თავს იმის უფლება, მექირავებინა ბინა, რადგან ეს რომ გამეკეთებინა, ის ადამიანები სახლის გარეშე უნდა დამეტოვებინა. ასევე ჩემი მეგობარი ბესო ჩიქოვანი და მისი ოჯახი ფინანსურად ყოველთვის მეხმარება, შემეძლო სხაგვარად მოვქცეულიყავი, მაგრამ ამ ფულით სხვას ვეხმარები, ძალიან ცუდია ამ თემაზე საუარი რომ მიწევს საუბარი”, – ამბობს მამა შალვა კეკელია გადაცემაში “დროული კითხვები”.