სხვისი ნახმარი პიჯაკების ტარებას გირჩევნიათ, ის 9 მილიონი ზარალი აანაზღაუროთ, რაც ბიუჯეტის მიმართ არსებობს, – ასე მიმართა პროკურორმა არჩილ ტყეშელაშვილმა ბრალდებულებს – მიხეილ სააკაშვილსა და თემურ ჯანაშიას, რომელმაც საბიუჯეტო თანხების გაფლანგვის საქმეზე მიმდინარე სასამართლო პროცესზე პიჯაკები მიიტანა.
ადვოკატების თქმით, ექსპრეზიდენტს სწორედ აღნიშნული პიჯაკების შეძენას ედავებიან.
თუმცა პროკურორები განმარტავენ, რომ მხოლოდ პიჯაკებზე კი არა, ბიუჯეტიდან მილიონობით ლარი იხარჯებოდა არამიზნიბრივად, მათ შორის პრეზიდენტის ბოტოქსებსა და მისთვის შექმნილ კომფორტსა, თუ ფუფუნებაზე.
უკვე რამდენიმე საათია სასამართლო პროცესი ხმაურის ფონზე მიმდინარეობს. მხარეები პროკურორების აცილების შუამდგომლობაზე კამათობენ.
პარალელურად აქცია მიმდინარეობს საქალაქო სასამართლოს შენობასთანაც, სადან ექსპრეზიდენტის მხარდამჭერები არიან შეკრებილები.