კახეთის რვა მუნიციპალიტეტში „განახლებული რეგიონების“ პროექტები დასრულების ფაზაშია

კახეთის რვავე მუნიციპალიტეტში „განახლებული რეგიონების“ პროექტები დასრულების ფაზაშია
🔵პროექტებს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი ახორციელებს
🔵პროგრამით დაფინანსებული ურბანული განახლების პროექტების ერთ-ერთი მნიშვნელოვანი მიმართულებაა შენობების ენერგოეფექტურობის კომპონენტის გაძლიერება, რაც დადებითად აისახება იმ ხარჯებზე, რაც ამ შენობების გათბობას უკავშირდება
🔵დაგეგმილი სამუშაოების ფარგლებში, იცვლება შენობების კარ-ფანჯრები, მიმდინარეობს საინჟინრო და საკომუნიკაციო სისიტემების გამართვა, სკვერებისა და პარკების რეკონსტრუქცია, რეკრეაციული და დასასვენებელი სივრცეების, ტროტუარების, განათების მოწყობა და სხვა
🔵კახეთის რეგიონში დასასრულს უახლოვდება თელავის შემოსასვლელში თბილისის გზატკეცილსა და რუსთაველის ქუჩაზე მდებარე შენობების რეაბილიტაცია; ახმეტაში ბიძინა ჩოლოყაშვილის ქუჩისა და მისი მიმდებარე ტერიტორიის ურბანული განახლების აქტიური სამუშაოები მიმდინარეობს; გურჯაანში რეაბილიტაცია უტარდება ნონეშვილის ქუჩასა და დასასვენებელ პარკებს; დედოფლისწყაროში ცენტრალური ნაწილის, ხოლო ყვარელში ილია ჭავჭავაძის ქუჩის განახლება სრულდება ლაგოდეხში ზაქათალის ქუჩისა და ე.წ. „პოლკოვის ბაღის“, საგარეჯოში დავით აღმაშენებლის ქუჩის, ხოლო სიღნაღი სხვადასხვა ქუჩაზე სეგმენტური რეაბილიტაციის სამუშაოები მიმდინარეობს
🔵სამუშაოების მიმდინარეობას რეგიონის ყველა მუნიციპალიტეტში საქართველოს რეგიონული განვითარებისა და ინფრასტრუქტურის მინისტრის მოადგილე კობა გაბუნია, მუნიციპალური განვითარების ფონდის პროგრამის ხელმძღვანელი ზაზა სიმონია, სახელმწიფო რწმუნებული კახეთის მხარეში ირაკლი შიოშვილი და მუნიციპალიტეტის მერები გაეცნენ
🔵სამშენებლო სამუშაოები ქვეყნის ყველა მუნიციპალიტეტში აქტიურად მიმდინარეობს.