“თეთრი ძაფით ნაკერ სისხლის სამართლის საქმეზეა საუბარი. თავის თავს ხომ არ დააბრალებენ, უნდა დააბრალონ სასამართლოს”

საკუთარი ბანკიდან 17 მილიონი გამოატანინეს საკუთარ მეგობარს, მერე ამტკიცებდნენ, არ ვიცოდით, თუ ეგეთი რაღაც ხდებოდაო. წარმოდგინეთ, ამ დონის თეთრი ძაფით ნაკერ სისხლის სამართლის საქმეზეა საუბარი. თავის თავს ხომ არ დააბრალებენ, უნდა დააბრალონ სასამართლოს – განაცხადა „ქართული ოცნების” თავმჯდომარე ირაკლი კობახიძემ „ღამის კურიერში“. მისი თქმით, როცა ასეთი თეთრი ძაფით ნაკერი დანაშაული გაქვს ჩადენილი და სასამართლოს ადანაშაულებ ამაში, ეს ყველაფერი კიდევ ერთხელ აჩვენებს, რომ სასამართლოს კრიტიკის უკან პოლიტიკური ინტერესია. „როდესაც ეს ადამიანები ასეთ დროს აკრიტიკებენ, ბუნებრივია სხვანაირად ვერ იზამენ, იმიტომ რომ არიან პოლიტიკური ინტერესის მქონე პირები და აქვთ ჩადენილი დანაშაული. თავის თავს ხომ არ დააბრალებენ, ბუნებრივია, უნდა დააბრალონ სასამართლოს, ძალიან მარტივი ლოგიკაა, მაგრამ როდესაც, 17 მილიონი გამოგაქვს ბანკიდან, გვერდიდან, შენს მეგობარს იხმარ ამაში, იმ დღეს ის სესხს გაძლევს, მერე ჩამოწერა ხდება, ბანკს აზიანებ ამით და დაზარალებულია ბანკი ხო? ამით ზარალდება ბანკის ყველა პოტენციური თუ მოქმედი კლიენტი, ასეთი თეთრი ძაფით ნაკარი დანაშაული როცა გაქვს ჩადენილი და მერე კიდევ სასამართლოს ადანაშაულებ ამაში, ეს ყველაფერი აჩვენებს კიდევ ერთხელ, რომ სასამართლოს კრიტიკის უკან პოლიტიკური ინტერესია. თუ, ვინმეს სასამართლოს კრიტიკა უნდა, კეთილი ინებონ და წარმოადგინონ ფაქტები. წლებია, ფაქტების გარეშე კრიტიკას ვისმენთ“ – განაცხადა ირაკლი კობახიძემ.