გია დგებუაძე, იგივე „მასტერა,“ სასამართლოს გადაწყვეტილებით, პატიმრობაში რჩება.
დღევანდელ პროცესზე კი, სასამართლომ მისი აღკვეთის შეცვლის საკითხზე იმსჯელა და აღკვეთის ღონისძიება პატიმრობა უცვლელი დატოვა.
პროცესზე დაცვის მხარის მოწმე შსს-ს კონსტიტუციური უსაფრთხოების დეპარტამენტის ყოფილი უფროს ინსპექტორი დავით ქოქიაშვილი დაიკითხა.
დავით ქოქიაშვილმა განაცხადა, რომ ის ნავთლუღის ავტოსადგურის ტერიტორიაზე ავტომანქანაში იმყოფებოდა, როდესაც სროლების ხმა გაიგო, ხოლო რამდენიმე წუთში ადგილზე მივიდნენ. კითხვაზე ქონდათ თუ არა გია დგებუაძეს და დათა ახალაიას იარაღი, მოწმემ განაცხადა, რომ ახალაიას იარაღი ჰქონდა დგებუაძეს კი არა.
დავით ქოქიაშვილმა ასევე განაცხადა, რომ მას ადგილზე ვინმე უცხო პირი არ უნახავს, მათ შორის არც ტრისტან წითელაშვილი.
კომენტარები