უკრაინაში ოფიციალური პირები მუდმივად ითხოვენ ლეტალური იარაღით დახმარებას, ამ შემთხვევაში თავდაცვის მინისტრმა ევროკავშირის თავდაცვისა და უსაფრთხოების კომიტეტებს მიმართა. ოლექს რეზნიკოვმა მათ მადლობა გადაუხადა გაწეული დახმარებისთვის, თუმცა ხაზი გაუსვა იმას, რომ უკრაინას სჭირდება უფრო მეტი ლეტალური იარაღი, რათა დაუპირისპირდეს რუსულ აგრესიას, რომელიც მიმართულია მშვიდობიანი მოსახლეობისკენ.
ასევე, რეზნიკოვმა დღეს კრემლი ჰიტლერს შეადარა.
“8 წლის წინ უკრაინელმა საზოგადოებამ გააკეთა თავისი ცივილიზებული არჩევანი. არჩევანი საგარეო პოლიტიკაზე ევროკავშირისკენ და დღეს ჩვენ ვაგრძელებთ ამ არჩევანის დაცვას იარაღითა და ჩვენი ხელებით. ამ არჩევანის ფასი უპრეცედენტოა. ამას ყოველდღე ვიხდით, რადგან სხვა ალტერნატივას არ ვხედავთ ცივილიზაციისა და დემოკრატიის არჩევის გარდა.
თქვენც გააკეთეთ თქვენი არჩევანი უკრაინის მხარდაჭერით ევროკავშირის სრული წევრობის მიღების გზაზე. ამისთვის მადლიერი ვარ. მათი გეგმაა გაანადგურონ მთელი ევროკავშირი, NATO-ს ქვეყნების ერთობა და კიდევ უფრო შორს წავლენ. უნდა მოხდეს რუსეთის შეჩერება. ჩვენ დახმარება გვჭირდება. გვჭირდება მეტი ლეტალური იარაღი. გვჭირდება ანტისატანკო, ანტისაჰაერო აღჭურვილობა.
რა თქმა უნდა, სანქციები უნდა გაგრძელდეს და გაძლიერდეს. რასაც კრემლი დღეს აკეთებს, ნამდვილი ბარბაროსობაა. პასუხისმგებლობით გეუბნებით, რომ კრემლი დღევანდელი ჰიტლერია. თეატრს სადაც 1200 ქალი და ბავშვი იმალებოდა. თეატრის ირგვლივ დიდი ნიშანი იყო წარწერით “ბავშვები” და თვითმფრინავის პილოტს, რომელიც ბომბებს ესროდა, შეეძლო დაენახა, თუმცა მიუხედავად ამისა, ამ მონსტრმა თეატრი დაბომბა. ცის დაკეტვის საკითხი არის იმ ქალების და ბავშვების სიცოცხლის საკითხი, რომელზეც მე ვისაუბრე,”-აცხადებს ოლექსი რეზნიკოვი.