უკრაინაში ორი ქართველი მებრძოლი დაიღუპა. ისინი ირპენის მიმართულებაზე გამართულ შეტაკებებში მონაწილეობდნენ.
ქართველი მოხალისეების გია ბერუაშვილის და დავით რატიანის დაღუპვის მიზეზი საარტილერიო დარტყმებია. არსებული ინფორმაციით, გადაჯგუფების დროს რუსმა ოკუპანტებმა ირპენის მიმართულებით ხანგრძლივი საარტილერიო შეტევა განახორციელეს. ორმა ქართველმა მებრძოლმა სიცოცხლესთან შეუთავსებელი ჭრილობები მიიღო.
განუწყვეტელი ცეცხლის გამო, უკანდახევის დროს, უკრაინულმა შენაერთებმა დაღუპულთა ცხედრების გაყვანა ვერ მოახერხეს. ამ დროისთვის ქალაქის განაპირას, აფეთქებულ ხიდთან უკრაინული შენაერთები იკრიბებიან, რათა დაბომბვის ადგილამდე მივიდნენ და ცხედრების გამოყვანა შეძლონ.
კომენტარები