პენიტენციური დაწესებულებებიდან ერთიან ეროვნულ გამოცდებზე წელს 25 ბრალდებული/მსჯავრდადებული მონაწილეობს, რომელთაგან 6 არასრულწლოვანია. ინფორმაციას ამის შესახებ სპეციალური პენიტენციური სამსახური ავრცელებს.
უწყების ცნობით, ერთიანი ეროვნული გამოცდების საგამოცდო ცენტრებში ბრალდებულთა/მსჯავრდადებულთა გაყვანის პროცესი შეუფერხებლად მიმდინარეობს. მსჯავრდადებული აბიტურიენტებისთვის საგამოცდო ცენტრებში მოწყობილია შესაბამისი ინფრასტრუქტურა.
„სპეციალური პენიტენციური სამსახურისთვის მსჯავრდადებულთათვის უმაღლეს განათლებაზე ხელმისაწვდომობა პრიორიტეტულია. ამ მიზნით, იუსტიციის მინისტრის ინიციატივით, ციფრული უნივერსიტეტი ამოქმედდება, რაც მსჯავრდადებულებს ავტორიზებულ უნივერსიტეტებში დისტანციური სწავლების შესაძლებლობას მისცემს. სპეციალური პენიტენციური სამსახური თითოეულ აბიტურიენტს წარმატებას უსურვებს“, – ნათქვამია ინფორმაციაში.