ტელეკომპანია ,,იბერიას” საინფორმაციო სამსახურის უფროსის ვახტანგ ხუზმიაშვილის განცხადებით, ტელევიზია ითხოვს პასუხს კითხვაზე, რატომ სცემეს გიორგი გასვიანი.
ვახტანგ ხუზმიაშვილის თქმით, პოლიციელების მხრიდან გიორგი გავსიანზე განხორციელებული ძალადობა მხოლოდ ერთი ადამიანის პრობლემა კი არა ქვეყნის პრობლემაა.
,,გიორგი გასვიანის დაკითხვა დასრულდა. გუშინ, საავადმყოფოში იყო გადაყვანილი, სადაც აღმოუჩინეს სამედიცინო დამხარება. მთელი საინფორმაციო სამსახური და ტელევიზია ველოდებით პასუხს კითხვაზე, რატომ სცემეს გიორგი გასვიანი და მოვითხოვთ საქმის სასწრაფოდ გამოძიებას და დამნაშავეების დაკავებას”, – განუცხადა ,,პრაიმტაიმს” ვახტანგ ხუზმიაშვილმა.
ვახტანგ ხუზმიაშვილი შსს-ს ადეკვატურ რეაგირებას სთხოვს და ამბობს, რომ ყველა დამნაშავე კანონის შესაბამისად უნდა დაისაჯოს.
,,ეს არ არის ერთი გიორგი გასვიანის პრობლემა, როცა მოქალაქეს პოლიცია იარაღს ადებს შუბლზე, ურტყამს და აგინებს. ეს არის ქვეყნის პრობლემა და სახელმწიფო უნდა იყოს ადეკვატური და ასეთი არაადამიანები უნდა დასაჯონ სიმკაცრით, რომ სხვას არ გაუჩნდეს სურვილი ასეთი რამე გააკეთოს.”, – განუცხადა ,,პრაიმტაიმს” ვახტანგ ხუზმიაშვილმა.