პენიტენციური სისტემის სტანდარტებისა და მიდგომების გაცნობის მიზნით, მსჯავრდებულთა პროფესიული მომზადებისა და გადამზადების ცენტრის წარმომადგენლები აშშ-ში იმყოფებიან. ვიზიტის ფარგლებში, ცენტრის თანამშრომლებმა კოლორადოს ტერიტორიული და ფრემონტის პენიტენციური დაწესებულებები მოინახულეს, – ამის შესახებ ინფორმაციას მსჯავრდებულთა პროფესიული მომზადებისა და გადამზადების ცენტრი ავრცელებს.
მათივე ინფორმაციით, მსჯავრდებულთა პროფესიული მომზადებისა და გადამზადების ცენტრის დირექტორი თამთა დემურიშვილი პენიტენციურ დაწესებულებების დირექტორებს შეხვდა და მათგან მსჯავრდებულთა დასაქმების პროგრამების შესახებ, დეტალური ინფორმაცია მიიღო. ვიზიტის ფარგლებში, მსჯავრდებულთა პროფესიული მომზადებისა და გადამზადების ცენტრის წარმომადგენლებს სპეციალური პენიტენციური სამსახურის თანამშრომლებთან ერთად,
კოლორადოს შტატის სასჯელაღსრულების მართვის საერთაშორისო ცენტრში (ICMTC) ტრენინგები უტარდებათ.
სასწავლო პროგრამა აშშ-ის საელჩოს სახელმწიფო ანტინარკოტიკული და სამართალდაცვითი პროგრამების საერთაშორისო ბიუროს (INL) მხარდაჭერით ხორციელდება. ცენტრის თანამშრომლები ასევე, ეწვივნენ კოლორადოს შტატში მდებარე მსჯავრდებულთა ხელნაკეთი ნივთების მაღაზიასაც, რომელიც „რე-მარკეტის“ ანალოგია.