რუსმა ოკუპანტებმა ხერსონში საავადმყოფოს სამშობიარო განყოფილება დაბომბეს. იერიშის შედეგად არავინ დაშავებულა.
შესაბამის ინფორმაციას უკრაინული მედია უკრაინის პრეზიდენტის ოფისის ხელმძღვანელის მოადგილეზე, კირილ ტიმოშენკოზე დაყრდნობით ავრცელებს.
„ხერსონი. რუსებმა დაბომბეს საავადმყოფოს სამშობიარო განყოფილება. დაბომბეს ის ადგილი, სადაც დღეს ორი ბავშვი დაიბადა. თავდასხმამდე ექიმებმა მოასწრეს საკეისრო კვეთის დასრულება. დაწესებულებაში ხუთი ნამშობიარები ქალი იმყოფება“, – აცხადებს ტიმოშენკო.
კომენტარები