ინგლისში, ქალაქ სკარბოროს მთავრობამ საახალწლო ფოიერვერკი ლომვეშაპის გამო გააუქმა. ამის შესახებ BBC წერს.
გამოცემის ინფორმაციით, უზარმაზარი ცხოველი ქალაქში ახალ წლამდე რამდენიმე დღით ადრე გამოჩნდა და ადგილობრივ პორტში დაიდო ბინა. ფოიერვერკის გაუქმება ქალაქის ადმინისტრაციას ბრიტანეთის ზღვის ცხოველების მაშველთა საზოგადოებამ ურჩია. სპეციალისტები შიშობდნენ, რომ ხმაური ლომვეშაპის ფსიქიკას დააზიანებდა.
სპეციალისტების თქმით, ეს არქტიკის ბინადრის ჩრდილოეთ ინგლისში გამოჩენის სავარაუდოდ პირველი შემთხვევაა. მათივე ვარაუდით, ეს სწორედ ის ლომვეშაპია, რომელიც დეკემბრის დასაწყისში ინგლისის სამხრეთით შენიშნეს, მანამდე კი ნიდერლანდებსა და საფრანგეთში. ხალხმა მას თორი შეარქვა. სპეციალისტები ფიქრობენ, რომ თორი მშობლიურ არქტიკაში ბრუნდება, სკარბოროში კი სავარაუდოდ რამდენიმე დღით, შესასვენებლად გაჩერდა.