უკრაინის შეიარაღებული ძალების მთავარსარდალმა, ვალერი ზალუჟნიმ განაცხადა, რომ გასული წლის განმავლობაში, უკრაინულმა ძალებმა 24 თებერვლის შემდეგ რუსეთის მიერ ოკუპირებული ტერიტორიების 40% გაათავისუფლეს.
„[უკრაინის] შეიარაღებულმა ძალებმა [რუსეთის] სრულმასშტაბური შემოჭრის დროს ოკუპირებული ტერიტორიების 40% და 2014 წლიდან რუსეთის მიერ ოკუპირებული ტერიტორიების 28% გაათავისუფლეს“, – აღნიშნა უკრაინის შეიარაღებული ძალების მთავარსარდალმა.
ვალერი ზალუჟნიმ ასევე აღნიშნა, რომ ამჟამად ფრონტის ხაზის სიგრძე 1 500 კილომეტრს შეადგენს.
„საერთაშორისო პარტნიორების წყალობით შესაძლებელი გახდა 20 000-ზე მეტი ჯარისკაცის მომზადება. 2022 წელს საომარი მოქმედებების ზონებიდან 600 000-ზე მეტი ადამიანის ევაკუაცია განხორციელდა და 2 მილიონ ტონაზე მეტი ჰუმანიტარული საქონელი შემოვიდა“, – განაცხადა მან.