შაბათს, ეკლესიასთან დაჭრილი სასულიერო პირის ვინაობა ცნობილია. როგორც გვერდი “ტკბილ ხარ შენ უფალო” წერს, იგი დეკანოზი ცოტნე თვარაძეა.
„წირვაზე მისულ ცამეტი ასურელი მამის ტაძრის ღვთისმსახურს დეკანოზ ცოტნე თვარაძეს ზურგიდან თავს დაესხა უცნობი პიროვნება და რამდენიმე ჭრილობა მიაყენა ცივი იარაღით. ამჟამად იგი იმყოფება კლინიკაში ჩაუტარდა ოპერაცია. მდგომარეობა მძიმეა. გთხოვთ მოიხსენოთ ლოცვებში. უფალს ვთხოვოთ შეეწიოს მამაოს და გამოაჯანმრთელოს“ – აღნიშნულია გავრცელებულ ინფორმაციაში.
შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს მთავარი სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, ჯანმრთელობის განზრახ მძიმე დაზიანების ფაქტზე, 1981 წელს დაბადებული, წარსულში ნასამართლევი გ.ბ. თბილისში დააკავეს.
