ახალი მენეჯმენტი სათავეში მოვიდა კონკრეტული დაპირებებით, რომ მიხეილ სააკაშვილს ყველანაირი მეთოდით ძალიან სწრაფად დაიხსნიდნენ, – ამის შესახებ „ნაციონალური მოძრაობის“ წევრმა, ბაჩო დოლიძემ განაცხადა.
მისი თქმით, როდესაც არ სრულდება დაპირებები, შესაძლოა ამ ყველაფერს შესაბამისი მოქმედებები მოჰყვეს.
„მაშინ, როდესაც ვერ ასრულებ დაპირებებს, არ უნდა გაგვიკვირდეს, რომ გაჩნდეს ლეგიტიმური მოთხოვნა, რომ ან დაპირებები შეასრულო, ან კიდევ ამ ყველაფერს შესაძლოა, შესაბამისი მოქმედებები მოჰყვეს“, – განაცხადა ბაჩო დოლიძემ.
„ნაციონალურ მოძრაობაში“ თავმჯდომარის პოსტზე ლევან ხაბეიშვილის ლეგიტიმაცია ისევ კითხვის ნიშნის ქვეშ დგება. ორად გაყოფილ პარტიაში ახალი თავმჯდომარის საქმიანობით უკამაყოფილო მელიას გუნდი ღიად მიანიშნებს, რომ ლევან ხაბეიშვილი საარჩევნოდ გაცემულ დაპირებებს ვერ ასრულებს, რაც შესაძლოა, პარტიაში ახალი არჩევნების ჩატარების საფუძველი გახდეს.