„ხალხის ძალის“ წევრი გურამ მაჭარაშვილი ოპოზიციის მოთხოვნას აშშ-ის მიერ სანქცირებულ მოსამართლეებთან დაკავშირებით პარლამენტში საგამოძიებო კომისიის მოთხოვნას გამოეხმაურა.
„ოპოზიციის მხრიდან ამ ფონზე საგამოძიებო კომისიის მოთხოვნა სხვა არაფერია თუ არა მათი მხოლოდ სურვილი, რომ ზედაპირზე როგორმე იტივტივონ. ჯერ ერთი, მთავარი მოწმე, ამერიკის შეერთებული შტატების ელჩი ამბობს, რომ ის არავისთან ითანამშრომლებს, არავითარ მტკიცებულებებს არ წარადგენს, თუ მას ასეთი გააჩნია. რაც შეეხება საჯარო ინფორმაციას, ასეთი რამ არ არსებობს, თორემ რომ იყოს, ბუნებრივია, აქამდეც იტყოდა რადიკალური ოპოზიცია ამას“, – განაცხადა მაჭარაშვილმა.
სასამართლო სისტემაში კორუფციის და სხვა სამართალდარღვევების შესწავლისთვის ოპოზიცია საგამოძიებო კომისიის შექმნას გეგმავს და პრეზიდენტს პარლამენტის რიგგარეშე სხდომის მოწვევის თხოვნით მიმართავს.