ჩინეთში აშშ-ის ელჩი ნიკოლას ბერნსი იმედოვნებს, რომ პეკინი „სწორ არჩევანს“ გააკეთებს და რუსეთს უკრაინაში ომის დასრულებისკენ უბიძგებს, – ამის შესახებ „სიენენი“ წერს.
„ჩვენ იმედი გვაქვს, რომ ისინი სწორ არჩევანს გააკეთებენ და ეს სწორი არჩევანი უბიძგებს რუსეთს, დაიცვას საერთაშორისო სამართალი, გაიყვანოს თავისი ჯარები, დაინახოს უკრაინის სუვერენიტეტი და ტერიტორიული მთლიანობა“, – აღნიშნა ნიკოლას ბერნსმა.
როგორც ბერნსმა აღნიშნა, „ეს არის ის, რაც მსოფლიოს სურს და ჩინეთისგან მოელის“.
ცნობისთვის, აშშ-ის სახელმწიფო მდივანი ენტონი ბლინკენი ჩინეთში, სავარაუდოდ, უახლოეს კვირებში გაემგზავრება. მანამდე თეთრი სახლის მრჩეველმა ეროვნული უსაფრთხოების საკითხებში, ჯეიკ სალივანმა განაცხადა, რომ აშშ-ის პრეზიდენტი ჯო ბაიდენი „რაღაც მომენტში“ შეხვდება ჩინეთის პრეზიდენტს, სი ძინპინს.