საბერძნეთის სამხრეთით, მიგრანტების გემის ჩაძირვის შედეგად, სულ მცირე, 79 ადამიანი დაიღუპა. ინფორმაციას „ბიბისი“ ავრცელებს.
მაშველებმა 100-ზე მეტი ადამიანის გადარჩენა შეძლეს, თუმცა როგორც ბორტზე მყოფები ამბობენ, გემზე, სულ მცირე, 500-700 ადამიანი იმყოფებოდა.
ჯანდაცვის უწყებაში აცხადებენ, რომ ბორტზე მყოფთა რაოდენობა ბევრად აღემატებოდა იმ ტევადობას, რაც დაშვებული იყო ნავისთვის.
ნავი ლიბიიდან იტალიაში მიდიოდა, ბორტზე მყოფთა უმეტესობა კი ახალგაზრა მამაკაცი იყო. ჯერჯერობით უცნობია, რომელი ქვეყნის მოქალაქეები იყვნენ დაღუპულები. გადარჩენილები ქალაქ კალამატაში გადაიყვანეს, გადარჩენილთა უმეტესობა კი სავადმყოფოშია გადაყვანილი.
მომხდართან დაკავშირებით საბერძნეთის მთავრობამ ქვეყანაში სამდღიანი გლოვა გამოაცხადა.
კომენტარები