პარლამენტის პირველმა ვიცე-სპიკერმა, გიორგი ვოლსკიმ შეზღუდული შესაძლებლობის მქონე ერთ-ერთი ბავშვის მშობლის მიერ სხდომის დროს დარბაზში განხორციელებული ქმედება ჟურნალისტებთან შეაფასა.
„არ შეიძლება ასეთ ვითარებაში, რა პოლიტიკური შეხედულებაც არ უნდა გქონდეს, მით უმეტეს, მცდარი, უსაფუძვლო, აბსოლუტურად მიუღებელი რეალობისთვის, ის გამო ხატო ასეთი ფორმით, ბავშვების თვალწინ. ვფიქრობ, გარკვეული სტრესი მიაყენა ამ ბავშვებსაც, თავის შვილს, რადგან თავადაც შშმ ბავშვის მშობელია. რასაკვირველია, ჩვენი კომენტარები უფრო ლოიალური უნდა იყოს, მაგრამ უმსგავსობა ნამდვილად იყო“, – განაცხადა ვოლსკიმ.
პარლამენტის სასესიო დარბაზში 14 ივნისს ინციდენტი მოხდა. შეზღუდული შესაძლებლობის მქონე ერთ-ერთი ბავშვის მშობელმა სხდომის დროს დარბაზში რუსული რუბლები გადაყარა, რასაც დეპუტატებს შორის დაპირისპირება მოჰყვა.