„ვივა მედის“ კლინიკური დირექტორის განცხადებით, მიხეილ სააკაშვილის ჯანმრთელობის მდგომარეობა, ამ ეტაპზე არ იძლევა იმის საშუალებას, რომ მესამე პრეზიდენტი ციხეში დაბრუნდეს. ამის შესახებ ზურაბ ჩხაიძემ „პირველებთან“ ისაუბრა.
„ახლა სტაციონარში რახან იმყოფება, რა თქმა უნდა, მისი მდგომარეობა შეესაბამება იმას, რომ უნდა იმყოფებოდეს სტაციონარის პირობებში მკურნალობაზე. პაციენტი როცა გამოჯანმრთელდება, ორი ვარიანტი აქვს, თუ ის არის სამოქალაქო პირი, ბრუნდება საკუთარ ოჯახში, თუ ის არის პენიტენციური დაწესებულება, გაუმჯობესების შემდეგ ბრუნდება დაწესებულებაში საიდანაც იქნა მოყვანილი.
სააკაშვილის ჯანმრთელობის მდგომარეობა ამ ეტაპზე ნამდვილად არ იძლევა იმის საშუალებას, რომ ის ციხეში დაბრუნდეს. მისი ჯანმრთელობის მდგომარეობის კრიტერიუმები მიუთითებს, იმაზე, რომ ის უნდა იმყოფებოდეს სტაციონარის პირობებში. რა თქმა უნდა, კარგად მყოფი ადამიანი კლინიკაში არ წევს“, – განუცხადა „პირველებს“ ზურაბ ჩხაიძე.