ჩინეთის ქალაქ ინჩუანში, ერთ-ერთ რესტორანში გაზის გაჟონვის გამო მომხდარი აფეთქების შედეგად სულ მცირე 31 ადამიანი დაიღუპა და შვიდი დაშავდა, – ინფორმაციას „სიენენი“ ჩინურ მედიაზე დაყრდნობით ავრცელებს.
ჩინეთის სახელმწიფო მაუწყებლის ცნობით, აფეთქება რესტორანში თხევადი აირის ავზის გაჟონვის შედეგად, ადგილობრივი დროით, დაახლოებით 20:40 საათზე მოხდა.
მედიის ცნობით, დაშავებულთა შორის ერთი პირი ამ დრომდე მძიმე მდგომარეობაშია, დანარჩენი ექვსის მდგომარეობა სტაბილურია.
ადგილობრივმა სახანძრო სამსახურმა შემთხვევის ადგილზე 20 მანქანა და 100-ზე მეტი თანამშრომელი გაგზავნა, სამძებრო-სამაშველო სამუშაოები დილის 16:00 საათამდე გაგრძელდა.
ჩინეთის ლიდერმა, სი ძინპინმა მომხდარის გამო ღრმა მწუხარება გამოხატა და განაცხადა, რომ აუცილებელია, მიზეზი რაც შეიძლება მალე დადგინდეს