რუსული ტელეგრამ არხებზე ვრცელდება ინფორმაცია, რომ კადიროვის ქვედანაყოფები როსტოვში შედიან. ვრცელდება კადრები, სადაც ჩანს ავტომანქანის სანომრე ნიშანზე წარწერა “ახმატ”.
“ახმატი” ჩეჩნური ქვედანაყოფია რომელმაც რამდენიმე დღის წინ, რუსეთის თავდაცვის სამინისტროსთან კონტრაქტი გააფორმა.
შეგახსენებთ, პრიგიჟინის დღეს დილით გავრცელებული ინფორმაციით, მისი დაჯგუფება ვაგნერი როსტოვს აკონტროლებს, მათ შორის, ყველა სამხედრო ობიექტს, აეროდრომს და სამხრეთ სამხედრო ოლქის შტაბს.
ჩეჩნეთის ხელმძღვანელმა რამზან კადიროვმა განაცხადა, რომ მზად არის მკაცრი ზომები მიიღოს კერძო სამხედრო კომპანიის (PMC) ვაგნერის მეამბოხე მებრძოლების წინააღმდეგ. ამის შესახებ მან ტელეგრამის საკუთარ არხზე დაწერა.
კადიროვის თქმით, „აჯანყება უნდა ჩაახშოს“
“მივმართავ მებრძოლებს – სამშობლოს პატრიოტებს. არ აჰყვეთ პროვოკაციებს. რაც არ უნდა დასახონ მიზნები, რა დაპირებებიც არ უნდა მოგცენ, ასეთ მომენტში სახელმწიფოს უსაფრთხოება და რუსული საზოგადოების ერთიანობა უპირველესია! ნახეთ, როგორ სარგებლობენ ჩვენი დასავლეთის მტრები ამ სიტუაციით და ეს არის პრიგოჟინის მოღალატური ლაშქრობის მოსალოდნელი შედეგები.
ის, რაც ხდება, არ არის ულტიმატუმი თავდაცვის სამინისტროს მიმართ. ეს არის ქმედება სახელმწიფოსთვის წინააღმდეგ და ამ ქმედების წინააღმდეგ აუცილებელია ეროვნული ლიდერის ირგვლივ გაერთიანება: სამხედროები, უსაფრთხოების ძალები, გუბერნატორები და მშვიდობიანი მოსახლეობა.
ჩეჩნეთის რესპუბლიკაში თავდაცვის სამინისტროსა და რუსეთის გვარდიის მებრძოლები დაძაბულობის ზონებში უკვე გაემგზავრნენ. ჩვენ ყველაფერს გავაკეთებთ, რომ შევინარჩუნოთ რუსეთის ერთიანობა და დავიცვათ მისი სახელმწიფოებრიობა! აჯანყება უნდა ჩავახშოთ და თუ ამას მკაცრი ზომები სჭირდება, მაშინ ჩვენ მზად ვართ! – წერს კადიროვი.