კერძო სამხედრო კომპანია „ვაგნერის“ მებრძოლები, რომლებიც მოსკოვისკენ მიემართებოდნენ, თავიანთ კოლონებს უკან აბრუნებენ. ამის შესახებ ნათქვამია ვაგნერის დამფუძნებლის ევგენი პრიგოჟნის პრერსსამსახურის მიერ ტელეგრამ-არხში გავრცელებულ აუდიმიმართვაში.
განცხადების თანახმად, ეს გადაწყვეტილება მიღებულია რუსეთში სისხლისღვრის თავიდან ასაცილებლად.
„კერძო სამხედრო კომპანია „ვაგნერის“ გაუქმება უნდოდათ. 23 ივნისს ჩვენ გამოვედით სამართლიანობის მარშზე. დღე-ღამეში ჩვენ მოსკოვამდე 200 კილომეტრი გვაშორებდა. ამ პერიოდში ჩვენ არ დაგვიღვრია ჩვენი მებრძოლების არც ერთი წვეთი სისხლი. ახლა დადგა მომენტი, როდესაც შეიძლება, დაიღვაროს სისხლი. ვინაიდან, გვესმის მთელი პასუხსიმგბელობა იმაზე, რომ იქნება დაღვრილი რუსული სისხლი რომელიმე მხრიდან, ჩვენ უკან ვატრიალებთ ჩვენს კოლონებს და უკან მივდივართ საველე ბანაკებში გეგმის თანახმად“, – ნათქვამია პრიგოჟინის აუდიმიმართვაში.