პუტინი უკრაინაში კიევის ზღურბლზე იმყოფებოდა და ცდილობდა, რამდენიმე დღეში აეღო ქალაქი და წაეშალა ქვეყანა რუკიდან, ახლა მას მოუწია, დაეცვა მოსკოვი, რუსეთის დედაქალაქი, საკუთარი დაქირავებული ჯარისკაცისგან, – ამის შესახებ აშშ-ის სახელმწიფო მდივანმა, ენტონი ბლინკენმა განაცხადა.
აშშ-ის საგარეო უწყების ხელმძღვანელის თქმით, „ვაგნერის“ დაქირავებული ჯარისკაცების ხანმოკლე აჯანყება პუტინის ხელისუფლებაში „ნამდვილ ბზარებს“ ავლენს.
ენტონი ბლინკენის განცხადებით, დაჯგუფების და მისი ლიდერის, ევგენი პრიგოჟინის აჯანყება იყო „პირდაპირი გამოწვევა პუტინის ხელისუფლებისთვის“.
აშშ-ის სახელმწიფო მდივანმა ასევე აღნიშნა, რომ ძალიან ადრეა იმის თქმა, თუ რა მოხდება შემდეგ.
„ეს მოძრავი სურათია და ჩვენ ჯერ არ გვინახავს ბოლო მოქმედება რუსეთში“, – აღნიშნა ბლინკენმა.
კომენტარები