უკრაინა ლიეტუვისგან NASAMS-ის ტიპის ორ საზენიტო-სარაკეტო სისტემას მიიღებს, – ამის შესახებ ლიეტუვის პრეზიდენტი გიტანას ნაუსედასაკუთარ „ტვიტერზე“ წერს.
„ლიეტუვამ შეიძინა NASAMS-ის ტიპის ორი საზენიტო-სარაკეტო სისტემა, რომლებიც გადაეცემა უკრაინას. საზენიტო თავდაცვა არის მთავარი უკრაინის აგრესორის წინააღმდეგ ბრძოლაში“, – წერს ნაუსედა.
ლიეტუვის პრეზიდენტი ელოდება, რომ ივლისში ვილნიუსში დაგეგმილ ნატო-ს სამიტზე მიიღებენ უფრო კოლექტიურ გადაწყვეტილებებს უკრაინის მხარდასაჭერად. ლიეტუვისპრეზიდენტმა გუშინ, ჰააგაში ნატო-ს რამდენიმე ლიდერთან შეხვედრის შემდეგ განაცხადა, რომ ოთხშაბათს კიევს ეწვევა.
„უკრაინის პრეზიდენტმა არაერთხელ დააყენა საკითხი NASAMS-ის სისტემების უკრაინაში შესაძლო გადაცემის შესახებ. დღეს ლიეტუვასადა ნორვეგიულ კომპანია Kongsberg-ს შორის გაფორმდა ხელშეკრულება, რომ ჩვენ შევიძენთ და უკრაინას მივაწვდით ორ მოდერნიზებულ NASAMS-ის სარაკეტო-საზენიტო სისტემას და უახლოეს მომავალში გადავცემთ უკრაინას“, – განაცხადა ნაუსედამ.