500-მდე ადამიანი დააპატიმრეს საფრანგეთის მასშტაბით, არეულობის მეხუთე ღამეს. მღელვარება, რომელიც ზოგ შემთხვევაში ძალადობრივია, მოჰყვა პოლიციელის მიერ პარიზის შემოგარენში 17 წლის მოზარდის მოკვლას.
პოლიციის განცხადებით, 1-დან 2 ივლისის ღამეს დააპატიმრეს სულ მცირე 486 პირი, თუმცა ძალადობის დონე, როგორც ჩანს, იკლებს, იმ ფონზე, როცა ქუჩებში 45 000-ზე მეტი პოლიციელია დისლოცირებული.
მღელვარების გამო პრეზიდენტმა ემანუელ მაკრონმა გადადო გერმანიაში ვიზიტი, რომელიც 2 ივლისს უნდა დაწყებულიყო.
თინეიჯერი, რომელიც პოლიციამ 27 ივნისს მოკლა, 1 ივლისს დაკრძალეს.
კომენტარები