რეგიონებში „მუსიკალური საღამოები“ გრძელდება, 8 ივლისს ღონისძიებებს სამტრედიის, ახმეტის, მარნეულის, დედოფლისწყაროს და საჩხერის მუნიციპალიტეტები, ხოლო 9 ივლისს გარდაბანი გურჯაანი, წნორი ჭიათურა და ხონი უმასპინძლებენ.
„მუსიკალური საღამოების“ ფარგლებში, რომელიც ყველა ქალაქში 19:00 საათიდან დაიწყება, სტუმრებს საშუალება ექნებათ მონაწილეობა მიიღონ ხელნაკეთი ნივთების გამოფენა-გაყიდვებში, საბავშვო გასართობ შოუებში, გაიმართება გიტარის მუსიკალური და მუსიკალური ინსტრუმენტების ძერწვის ვორქშოპი, სახის მოხატვა, ნოტების ქსოვა, საპნის ბუშტები და სხვა.
დღის ბოლოს საღამოს თბილისიდან მიწვეული მომღერლების და მუსიკალური ჯგუფების გრანდიოზული კონცერტები დაასრულებს.
„მუსიკალური საღამოები“ მთელი ქვეყნის მასშტაბით 63 მუნიციპალიტეტში და დაბა ბაკურიანში ყოველ შაბათ-კვირას საქართველოს მთავრობის ადმინისტრაციის ორგანიზებით იმართება.