უკრაინის პრეზიდენტი ვოლოდიმირ ზელენსკი თურქეთში ჩავიდა, სადაც ქვეყნის პრეზიდენტ რეჯეფ თაიფ ერდოღანთან მოლაპარაკებებს გამართავს.
„დატვირთულ დღეს თურქეთში ვასრულებთ. მოლაპარაკებები პრეზიდენტ რეჯეფ თაიფ ერდოღანთან. პოზიციების კოორდინაცია მშვიდობის ფორმულაზე, ნატოს სამიტზე, უსაფრთხოების გარანტიებისა და მარცვლეულის ინიციატივის საკითხებზე. ასევე განვიხილავთ უკრაინის აღდგენასა და თავდაცვის სფეროში კონტრაქტებს“, – წერს ზელენსკი „ტელეგრამზე“.
უკრაინული მედიის ცნობით, შეხვედრის დასრულების შემდეგ, ორი ქვეყნის ლიდერი სტამბოლში, სავარაუდოდ, პრესკონფერენციას გამართავს.
როგორც ცნობილია, უკრაინის პრეზიდენტი დღეს სლოვაკ კოლეგას, სუსანა ჩაპუტოვას შეხვდა.
მანამდე უკრაინის პრეზიდენტი ჩეხეთსა და ბულგარეთში იმყოფებოდა.
კომენტარები