ნატოს გენერალურმა მდივანმა, იენს სტოლტენბერგმა განაცხადა, რომ შვედეთის ნატოში გაწევრიანებასთან დაკავშირებით თურქეთთან შეთანხმება არ არის ახალი მოლაპარაკების შედეგი.
„ეს არ არის ახალი მოლაპარაკება, მაგრამ ეს ეხება იმ განსხვავებული საკითხების განხორციელებას, რომელზეც ერთი წლის წინ მადრიდში შევთანხმდით“, – აღნიშნა ნატოს გენერალურმა მდივანმა.
„ჩვენ შევძელით იმ შეშფოთების მოგვარება, რომელიც გამოთქვა თურქეთმა და შეშფოთება, რომელიც გამოთქვა შვედეთმა, შემდეგ კი ჩვენ შევძელით ერთობლივი პოზიციის გამონახვა და ამის საფუძველზე წინ წაწევა“, – განაცხადა იენს სტოლტენბერგმა.
მანამდე ნატოს გენერალურმა მდივანმა, იენს სტოლტენბერგმა განაცხადა, რომ თურქეთის პრეზიდენტი, რეჯეფ თაიფ ერდოღანი დათანხმდა, შვედეთის ნატოში გაწევრიანების პროტოკოლი რაც შეიძლება მალე გადასცეს პარლამენტს და მისი რატიფიცირება უზრუნველყოს.