უკრაინა ნატოს ვილლნიუსის სამიტის გადაწყვეტილების მოლოდინშია. უმაღლესი დონის შეხვედრამდე, საგანგებო განცხადება გაავრცელა ვოლოდიმირ ზელენსკიმ და აღნიშნა, რომ სამიტზე უკრაინა ნატოს დე ფაქტო წევრად უნდა გამოცხადდეს.
ვოლოდიმირ ზელენსკიმ ასევე აღნიშნა, რომ სამიტის ფარგლებში, ორმხრივი შეხვედრების შედეგად, კიევი უკრაინელი სამხედროების შეიარაღების თვალსაზრისით, კარგი სიახლეების მოლოდინშია.
„მადლობა ყველა ლიდერს და თითოეულ ქვეყანას, რომლებმაც ნატოში უკრაინის ინტერგრაციასთან დაკავშირებით დეკლარაცია ან განცხადება მიიღეს. ალიანსის წევრების უმეტესობა, ჩვენს მხარეს დგას. როცა ნატოში გაწევრიანების განაცხადი შევიტანეთ, ღიად ითქვა, რომ უკრაინა დე ფაქტო უკვე ალიანსშია. ჩვენი იარაღი – ალიანსის იარაღია, ჩვენი ფასეულობები არის ის, რისიც ალიანსს სჯერა. ძალიან მნიშვნელოვანია, რომ ვილნიუსში დაგეგმილია ორმხრივი შეხვედრები, პრიორიტეტები კი, ნათელია. ეს არის ჰაერსაწინააღმდეგო დაცვის სისტემები ჩვენი ქალაქებისთვის. ვილნიუსში ამ საკითხზე მოლაპარაჯებები გაიმართება. ასევე კარგ სიახლეებს ველით ჩენი სამხედროების შეიარაღების მხრივაც“ , – განაცხადა ზელენსკიმ.