ჩვენ არ ვამბობთ, რომ უკრაინა უნდა შეუერთდეს ნატოს, როდესაც ომი მიმდინარეობს – ეს არავის მოუთხოვია, არავინ ითხოვს ამას. ეს არ მომხდარა – უკრაინის მხრიდანაც კი. ყველას ესმის, რომ უკრაინა ომის დროს ნატოში ვერ შევა, – ამის შესახებ ესტონეთის პრემიერ-მინისტრმა, კაია კალასმა განაცხადა.
„კარგია პროცესზე შეთანხმება. უნდა დაკმაყოფილდეს ყველა პირობა და როდესაც შესაძლებლობის ფანჯარა გაიხსნება, ეს მოხდება. შეიძლება ძალიან მალე მოხდეს უკრაინის მიერ რუსეთის თავისი ტერიტორიიდან გაძევება და იქნება შესაძლებლობა ნატოში გაწევრიანების და მაშინ ეს ძალიან სწრაფად უნდა გავაკეთოთ, რადგან ეს უსაფრთხოების საუკეთესო გარანტიაა, რაც რუსეთის შემდგომ შესაძლო აგრესიას შეაკავებს. დღეს ისტორიული დღეა. გავმართავთ ნატო-უკრაინის პირველ საბჭოს. გუშინ შევთანხმდით რიგ გადაწყვეტილებებზე უკრაინის ნატოში გასაწევრიანებლად. იყო იმედგაცრუება უკრაინის მხრიდან. გასაგებია. უკრაინას სურს მშვიდობა, რაც ნატოს ქოლგის ქვეშ ყოფნას, მაგალითად, ჩვენი ქვეყნისთვის მოაქვს, მაგრამ მნიშვნელოვანია, რომ შეთანხმებულ გზას უკრაინისთვის ყველა მოკავშირე მხარს უჭერს. მე მართლაც მჯერა, რომ უკრაინის ადგილი ნატოშია. ნატოში ყოფნა დაასრულებს ნაცრისფერ ზონებს, რაც ჩვენი მიზანია, რადგან ნაცრისფერი ზონები არის წყარო ომებისა და კონფლიქტების.”-განაცხადა კაია კალასმა.