ავდეევკადან მოსახლეობის ევაკუაცია დაიწყო. ქალაქი, სადაც ამ დრომდე სროლისა და აფეთქებების ხმა ისმის, ჰუმანიტარული კატასტროფის ზღვარზეა. ძლიერი ყინვის პირობებში მოსახლეობას არ აქვს გათბობა, ელექტროენერგია და სასმელი წყალი. ინტენსიური ბრძოლები ავდეევკას რაიონში მესამე დღეა არ წყდება.
ანტიტერორისტული ოპერაციის შტაბში აცხადებენ, რომ პრორუსი სეპარატისტები სამხედროების პოზიციებს უტევენ და შტურმისას არტილერიასა და გრადის ტიპის სისტემებს იყენებენ.
აღმოსავლეთ რეგიონში შექმნილი ვითარების გამო პეტრო პოროშენკომ გერმანიაში ვიზიტი შეწყვიტა. ეუთომ კი მუდმივი საბჭოს საგანგებო სხდომა დანიშნა.
კომენტარები