საკალათბურთო მსოფლიო ჩემპიონატზე მესამე ადგილისთვის შეხვედრა გაიმართა, რომელშიც კანადის ნაკრებმა აშშ-ის ეროვნულ გუნდს 127:118 მოუგო და ბრინჯაოს მედალს დაეუფლა.
შეხვედრა კანადელთა უპირატესობით დაიწყო და პირველი მეოთხედი მათ 34:25 მოიგეს. ამერიკელებმა მეორე მეოთხედში თამაშში დაბრუნება მაოხერხეს, თუმცა კანადა მეორე ტაიმის დასაწყისში ისევ გაექცა მეტოქეს.
აშშ-ის ნაკრებმა მეოთხე მეოთხედში დაცვა სერიოზულად გააძლიერა, შეტევაშიც მეტი სივრცე იპოვა და თამაშში დაბრუნება კიდევ ერთხელ მოახერხა, თუმცა საფინალო სირენამდე 4 წამით ადრე კანადა კვლავ 4 ქულით წინ იყო. ამ დროს ამერიკელთა უკანახაზელმა მიკალ ბრიჯისმა ერთი საჯარიმო ტყორცნა გამოიყენა, მეორე შეგნებულად ააცილა, თავისივე ნასროლი ბურთი მოხსნა და ზუსტი სამქულიანით თამაში დამატებით დროში გადაიყვანა – 111:111.