„ნაციონალურ მოძრაობაში“ მიმდინარე პროცესები აბსოლუტურად ბუნებრივია, – ამის შესახებ პარლამენტის დიასპორისა და კავკასიის საკითხთა კომიტეტის თავმჯდომარე ბექა ოდიშარიამ განაცხადა.
„გემახსოვრებათ, ჩვენ ვიძახდით, რომ პარტიაში ასეთ კრიზისულ ვითარებაში ხაბეიშვილის კიდევ წინ წამოწევა ღიმილისმომგვრელი იყო და აბსოლუტურად დამანგრეველი იქნებოდა ამ პარტიისთვის, რასაც ჩვენ მივესალმებით. ხაბეიშვილი თავის ამ ბიოგრაფიას გაიფორმებს, როგორც „ნაციონალური მოძრაობის“გენერალურ მესაფლავედ. ამ გზაზე მე მას წარმატებას ვუსურვებ.
რაც შეეხება იმ ადამიანებს, რომლებსაც ჯერ კიდევ სჯერათ ნაციონალური მოძრაობის იდეოლოგიის თუ იდეალების, ასეთ პირობებში, როდესაც ასეთი კაცი გყავს თავმჯდომარედ და კიდევ არ გელაპარაკება, ალბათ ძალიან ძნელია“, – განაცხადა ოდიშარიამ.
კომენტარები